Վարչապետը՝ նախարարներին. Կրճատել մեքենաների թիվն ու շքեղության մյուս դրսեւորումները
Հայաստանի պետական մարմինները պետք է կրճատեն ավտոմեքենաների թիվն ու շքեղության մյուս դրսեւորումները: ՀՀ կառավարության այսօրվա նիստում այս մասին հատարարեց վարչապետ Կարեն Կարապետյանը:
Նա հիշեցրեց, որ մայիսին քննարկվելու է կառավարության 6 ամիսների ծրագրի իրականացումը: Կարեն Կարապետյանը գերատեսչությունների ղեկավարներին խնդրել է ուշադրության կենտրոնում պահել ապարատի ծախսերն ու կրկին ստուգել՝ արդյո՞ք պետական մարմինները կրկնօրինակում են միմյանց:
«Մենք նման դեպքեր ունենք: Հարկավոր է վերացնել սա: Ծախսեր, մեքենաներ, շքեղության այլ դրսեւորումներ... Գուցե «շքեղությունն» այնքան էլ ճիշտ բառ չէ, բայց մենք պետք է ամեն ինչ ուսումնասիրենք՝ մինչեւ վերջին մանրուքը»,- ընդգծեց Կարեն Կարապետյանը:
Comments
Post a Comment