Դավիթաշենում 23 բարդի հատելու մեջ մեղադրվողին ազատ են արձակել
Դավիթաշենում 23 բարդի հատելու մեջ մեղադրվող Ալեքսան Սամսոնյանն ապրիլի 28-ին ազատ է արձակվել: Այս մասին այսօր՝ ապրիլի 29-ին, ասաց նրա շահերի պաշտպան Արմեն Մելքոնյանը: Նա նշեց, որ իր պաշտպանյալի խափանման միջոցը փոխելու մասին միջնորդություն է ներկայացրել դատախազին, որը բավարարվել է: Ալեքսան Սամսոնյանի նկատմամբ խափանման միջոց է կիրառվել ստորագրությունը՝ չհեռանալու մասին:
Հիշեցնենք, որ Երեւանի Աջափնյակ եւ Դավիթաշեն վարչական շրջանների ընդհանուր իրավասության դատարանը բավարարել էր նախաքննական մարմնի միջնորդությունը եւ կալանավորել Դավիթաշենում 23 բարդի հատելու մեջ մեղադրվող Ալեքսան Սամսոնյանին:
Comments
Post a Comment