Ռալֆ Յիրիկյանի աճպարարական թալանը

Արդեն մի քանի տարի է ինչ ՎիվաՍել ընկերության գործադիր տնօրեն Ռալֆ Յիրիկյանը «բարեգործությամբ» է զբաղվում, սակայն ամեն ինչ չէ, որ հարթ է գնացել այս գործունեության ընթացքում: Առաջին հայացքից Յիրիկյանի «բարեգործական» ծրագրերը հարգանքի և գովասանքի խոսքերի են արժանի, սակայն երբ փոքր ինչ խորանում ես, միանգամից պարզ է դառնում, որ Յիրիկյանը հասարակ խարդախին ոչնչով չի զիջում, իսկ խարդախության թիրախը բնականաբար ՀՀ քաղաքացին է, ով օգտվում է Յիրիկյանի կողմից ղեկավարվող ընկերության ծառայություններից:
Փաստորեն նախ Յիրիկյանը բարեգործի համբավ է ձեռք բերում օգտագործելով այն ընկերության հեղինակությունն ու փողերը որտեղ ինքն գործադիր տնօրեն է, երկրորդ իր «բարեգործության» համար պահանջվելիք գումարի հայթայթման համար ալտերնատիվ տարբերակ է մշակել, ինչի արդյունքում առանց ջանքեր գործադրելու, «բարեգործության» համար պահանջվող գումարները դեռ մի քանի անգամ էլ ավել, շատ հանգիստ, աճպարարին հատուկ ձևով, գանձվում է հասարակ ՀՀ քաղաքացուց, ով հանդիսանում է ՎիվաՍել ընկերության բաժանորդ:
Յուրաքանչյուր անգամ, երբ օրինակ հազար դրամ լիցքավորում է կատարում բաժանորդը, պարզվում է լիցքավորված գումարին համարժեք րոպեներն ամբողջությամբ չի օգտագործում: Բանը նրանումն է, որ ուշադիր հետևելու դեպքում ակնհայտ է, որ անհասկանալի կերպով լիցքավորումից հետո անհետանում է մոտավորապես 20-45 դրամ: Այս երևույթը դեռ վաղուց էր բացահայտվել մի քանի բաժանորդների կողմից էլ սոցիալական ցանցերում բարձրաձայնվել էր, սակայն ապարդյուն:
Այպիսով, ՎիվաՍել ընկերությունն ունի մոտ 2 միլիոն բաժանորդ,ովքեր միջին հաշվարկներով, ամսեկան 4 անգամ լիցքավորում են կատարում(4000 դրամ):
Եթե հաշվարկները կատարենք նվազագույն շահույթի տրամաբանությամբ, ապա ամսվա կտրվածքով յուրաքանչյուր բաժանորդից գանձվում է 80 դրամ:Եթե դիտարկենք անգամ 1 միլիոն բաժանորդի դեպքը,ապա այն կազմում է 80 միլիոն դրամ, իսկ տարվա կտրվածքով այն կազմում է մոտ 960 միլիոն դարմ կամ որ նույնն է 2 միլիոն ԱՄՆ դոլար:
Ահա այս տարբերակով է գոյանում Յիրիկյանի «բարեգործության» համար պահանջվելիք գումարներն, իսկ թե ինչ անուն դնել նման «բարեգործությանը», թողնում ենք ընթերցողի դատին:

Ani Hoveyan